Logo de ser liberado, foi trasladado polo persoal sanitario.
O accidente ocorreu pouco antes das 21:30 horas da noite de onte. Segundo o particular que contactou co 112 Galicia, un vehículo sufrira unha saída de vía, índose contra un valado no quilómetro 1 da EP-9701, na parroquia de Baión. O alertador xa indicaba que o implicado parecía estar atrapado no interior do turismo.
Rapidamente, desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Vilagarcía de Arousa, á Policía Local, á Garda Civil de Tráfico e á Agrupación de Voluntarios de Protección Civil de Vilanova de Arousa.
A dotación de bombeiros tivo que usar o material de excarceración para que o ferido puidese saír do coche. Logo de ser liberado, o condutor foi trasladado en ambulancia ata o Hospital do Salnés.
Por outra banda, o turismo accidentado tivo que ser retirado por un guindastre, mentres que o servizo de mantemento da vía encargouse de limpar a estrada.
