O Día da Ilustración celébrase cada ano cadrando coa data do nacemento de Castelao e nesta celebración, demais de lembrar e reivindicar o papel dos profesionais da ilustración na industria cultural, réndese homenaxe cada ano a un ilustrador galego. Esta edición de 2025 vai dedicada a Xosé Vizoso, que é o primeiro autor ao que se lle rende tributo en vida. A homenaxe chegará a Ribeira o sábado 1 de febreiro ás 11.00 horas no Centro Cultural Lustres Rivas.
O contacontos ilustrado Homenaxe a Xosé Vizoso da agrupación Polo Correo do Vento inclúe música e un obradoiro de debuxo para toda a familia. Trátase dunha cita para toda a familia (nenas e nenos a partir de 3 anos).
Quen desexe acudir deberá escribir un correo a normalizacion@ribeira.gal. Haberá agasallos para a rapazada que acuda ao espectáculo.
Ficha da función
Vizoso énos ben coñecido, xa veremos como sabemos del moitas cousas, e coñecemos moitas obras, pero ademais con Polo Correo do Vento aprenderemos a facerlle un retrato… Ben, unha caricatura xeitosa! E tamén cantaremos cancións para que sexa a gran festa do debuxo.
