O Concello de Outes informou do remate das obras de mellora de pavimentación do lugar de Outes (fase 1) e do lugar de Banzas, cun investimento de 47.300 € e 55.000 €, respectivamente. Foron financiadas co Plan de Obras e Servizos (POS+2022 Adicional), da Deputación da Coruña.
As obras de pavimentación no interior do núcleo de Banzas comezaron o pasado mes de agosto co obxectivo de mellorar o firme e deste xeito incrementar a seguridade e garantir unha óptima mobilidade. Esta actuación incluíu un novo formigonado interior no lugar, o arranxo do firme de asfalto así coma a canalización de saneamento e pluviais ás vivendas afectadas do núcleo de Banzas. A licitación da obra ascendeu aos 55.027,69€, segundo confirmou o Concello.
