CAPRIF-CC comeza 2025 con tres accións de voluntariado ambiental en Carreira (Ribeira), Baroña (O Son) e Froxán (Lousame)

31 Xaneiro 2025

O proxecto Comunidades Activas e Paisaxes Resilientes a Incendios Forestais e Cambio Climático (CAPRIF-CC) arrinca o ano 2025 no Living Lab Barbanza-Ulla-Sar programando tres actividades de voluntariado ambiental nos montes de Carreira (Ribeira), Baroña (Porto do Son) e Froxán (Lousame).

A primeira das tres actividades, programada para este domingo entre as 10.00 e as 14.00 horas, está orientada á eliminación de acacias no monte veciñal de Carreira, concretamente na contorna do Miradoiro da Pedra da Ra.

A segunda, prevista para o sábado 8 de febreiro, levarase a cabo desde as 10.00 ata as 14.00 horas nos terreos da Comunidade de Montes Veciñais en Man Común (CMVMC) de Baroña (Porto do Son) e consistirá na plantación de árbores autóctonas, fundamentalmente frondosas, na contorna dos muíños e a capela de Santo Tomé. As persoas interesadas en inscribirse nesta actividade aínda poden facelo ata o día 6 de febreiro a través do formulario existente no apartado de actividades da web caprifcc.com ou ben enviando un correo electrónico a info@montescola.org.

Pola súa parte, o monte de Froxán (Lousame) acollerá o domingo 16 de febreiro, entre as 10.00 e as 13.00 horas, outra actividade de repoboación con árbores autóctonas, pero desta volta especificamente dirixida a familias con nenos/as, xa que incluirá actividades lúdicas e unha gran chocolatada final. Este prazo de inscrición estará aberto ata o xoves 14 de febreiro as familias interesadas poderán apuntarse enviando un correo electrónico a
info@montescola.org ou a través do formulario correspondente na páxina web de CAPRIF CC.

CAPRIF-CC está financiado pola Fundación Biodiversidad do Ministerio para la Transición Ecológica y el reto Demográfico (MITECO) no marco do Plan de Recuperación, Transformación y Resiliencia (PRTR), financiado pola Unión Europea – NextGenerationEU.

Estas tres actividades forman parte do proxecto CAPRIF-CC, que está impulsado pola Fundación Juana de Vega, a Fundación Centro de Estudos Eurorrexionais Galicia-Norte de Portugal (CEER), a Fundación Centro Tecnológico y Forestal de la Madera (CETEMAS), a Asociación Galega de Custodia do Territorio (AGCT) e a Fundación Montescola, e que conta co apoio da Fundación Biodiversidad do Ministerio para la Transición Ecológica y el Reto Demográfico (MITECO), no marco do Plan de Recuperación, Transformación y Resiliencia (PRTR), financiado pola Unión Europea cos fondos NextGenerationEU.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.