Os bombeiros do Parque Provincial de Boiro foron alertados pasadas as 20:30 horas de onte, 2 de xaneiro, dun incendio que afectou a un turismo na avenida de Galicia, no casco urbano do concello de Porto do Son.
Á chegada dos bombeiros o lume estaba controlado pola Policía Local e o GES de Noia, polo que o operativo consistiu na súa extinción total e no arrefriamento dos puntos quentes para garantir así plenas condicións de seguridade.
O lume calcinou por completo o automóbil e afectou a apeiros de pesca situados próximos a este.
