A Aula CeMIT de Ribeira formará á rapazada en redes seguras, saudábeis e enriquecedoras co programa Entroido Dixital

31 Xaneiro 2025

O concelleiro de Novas Tecnoloxías de Ribeira, Francisco Suárez-Puerta, presentou este venres 31 de xaneiro unha iniciativa de lecer tecnolóxico para favorecer a conciliación no Entroido e, tamén, un uso racional, seguro e enriquecedor das novas ferramentas tecnolóxicas: o Entroido Dixital. O programa inclúe campamentos a desenvolver na Aula CeMIT de Ribeira os días 3, 4 e 5 de marzo de 10.00 a 13.00 h.

O edil debullou unha programación “que está orientada para nenos e nenas de 9 a 11 anos” e a través da cal adquirirá coñecementos en” determinadas competencias dixitais dun xeito útil, creativo e responsábel”, anunciou Suárez-Puerta.

Segundo engadiu, neste campamento dixital de entroido aprenderase a atopar información de valor en Internet así como a saber filtrar e buscar información dun xeito máis efectivo. Ademais, os nenos e nenas coñecerán ferramentas para crear contido dixital, a importancia de crear contrasinais seguras e a protexer os datos persoais. Tamén no eido da información coñecerán as pautas para verificar a información que se comparte e detectar as novas falsas.

No plano das multipantallas daranse consellos para controlar o tempo fronte ás mesmas e a exercitar hábitos saudábeis de desconexión e benestar dixital. En redes sociais, a saber coidar a privacidade e as normas de comportamento así como detectar e previr situacións de ciberacoso.

O concelleiro explicou que porase o foco no “o uso consciente e responsábel de Internet e as redes sociais, nas recomendacións sobre a protección de datos, na identidade dixital e na reputación online, asi como nas competencias dixitais para a procura de emprego”.

Suárez-Puerta sinalou “este campamento é para unha idade temperá como pode ser a franxa dos 9 a 11 años” e que está aprendizaxe aportará á rapazada as ferramentas para facer fronte aos perigos da Rede e para “garantir un uso correcto de tódalas posibilidades que ofrece o mundo dixital”, e anotou que “a día de hoxe os nenos e nenas van medrando nun entorno xeneralizado e normalizado da exposición ás redes sociais sen ter ningún tipo de pauta ou formación previa; o que queremos e desexamos, é que estean preparados e formados para ter a posibilidade de medir; hasta que punto se hai que expoñer e como saber detectar os seus perigos mentres á vez sexan conscientes de administrar o consumo das pantallas a diario”.

Finalmente o concelleiro animou aos pais e nais a que se apunten a este campamento dixital de entroido no que porán facelo chamando ao 981 87 60 43.ou enviando un correo a cemit.ribeira@xunta.gal.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.