A Policía Local de Rianxo activou un campaña de información e vixilancia dirixida a concienciar e sensibilizar aos veciños con cans das súas obrigas á hora de recoller os seus excrementos e, tamén, garantir a seguridade dos animais e das persoas. Preséntase baixo o lema Non a cagues! O teu can a túa responsabilidade. Na presentación da campaña a Policía Local e o Concello recordaron que é obrigatorio recoller as deposicións dos animais, así como levalos identificados con microchip e suxeitos con correa. O incumprimento destas obrigas constitúen infraccións sancionadas con multas de entre 501 e 5.000 euros.
