O Programa Integrado de Emprego 2023/2024 que levaron a cabo de forma conxunta os Concellos de Boiro, Rianxo e A Pobra rematou coincidindo coa recta final de ano e, segundo indicaron as entidades organizadoras da iniciativa no seu balance, fíxoo cunha porcentaxe de empregabilidade do 68%.
O Programa Integrado de Emprego 2023-2024 está subvencionado pola Consellería e Emprego, Comercio e Emigración da Xunta de Galicia e o Servizo Público de Emprego Estatal.
O desenvolvemento deste programa permitiu mellorar o nivel de empregabilidade de 100 mulleres da comarca do Barbanza a través do traballo realizado en actividades formativas, orientacións laborais individualizadas, prácticas en empresas e prospección laboral. No balance fíxose saber que un total de 68 das mulleres participantes acadaron un contrato de traballo gracias á súa participación deste programa.
A capacitación foi concibida para os principais sectores produtivos da zona e incluíu módulos formativos de envasado, acondicionamento e embalaxe de produtos alimentarios; Elaboración de pezas cárnicas; Sistemas e procesos loxísticos; Mercadotecnia (marketing) en liña; Cociña; Atención ao cliente; Restauración; ou Preparación de produtos do mar.
O Concello de Boiro, coa colaboración dos concellos de Rianxo e A Pobra, comezou xa unha nova edición do Programa Integrado de Emprego para o curso 2024/2025. Nesta ocasión o Programa é mixto e está destinado a 100 mulleres e homes desempregados da comarca.
