O Museo do Gravado de Artes vai acoller este venres 13 de decembro a inauguración da mostra A Tres, con obras de Pepe Cáccamo, Baldo Ramos e Antonio Piñeiro. Será a partir das 20.30 horas na sala 1 do museo ribeirán, e contarase coa presenza dos artistas, do director do Museo de Artes, Pastor Rodriguez, e máis do presidente do padroado da fundación e alcalde de Ribeira, Luís Pérez Barra.
A mostra A Tres trae obra conxunta dos tres creadores reflectindo as súas respectivas experiencias e propostas arredor do libro de artista, máis tamén unha conversa entre elas e os procesos creativos derivados do conatos que os tres teñen dende hai tempo. Os libros de artista presentes na exposición recollen as ideas básicas definidas ao redor do concepto: a do potencial experimentador, dialéctico, transformados e rexenerador, e a da accesibilidade universal da arte por medio de instrumentos, elementos ou vieiros democratizadores.
