En Ribeira, interviñeron os bombeiros do parque comarcal para atender a unha persoa, que quedou atrapada tras unha colisión na avenida de Ferrol.
Unha vez fóra do coche, foi conducida por unha dotación de Urxencias Sanitarias de Galicia-061 ao centro hospitalario de referencia.
Neste accidente tamén resultou ferido o condutor do outro vehículo implicado, pero encargáronse os axentes da Policía Local de levalo ao centro de saúde.
Eran as 9:30 horas desta mañá cando o 112 Galicia recibiu a información sobre este sinistro e activáronse todos os protocolos correspondentes para a mobilización dos recursos. Así, ademais de bombeiros, sanitarios e axentes de seguridade, acudiron os membros do Grupo Municipal de Emerxencias.
