Os concellos de Barbanza Arousa (Ribeira, A Pobra do Caramiñal, Boiro e Rianxo) volven xuntar forzas en contra do macroproxecto para construír unha nova celulosa en Palas de Rei, á beira do río Ulla, que, segundo múltiples expertos no materia, carrexaría importantes problemas ambientais tanto no propio concello no que se empraza como tamén augas abaixo, até a desembocadura do río en plena ría de Arousa. Por esta razón, os gobernos dos 4 concellos confirmaron a súa participación na manifestación prevista para este domingo 15 en Santiago, a partir das 12.00 horas, en contra de Altri e o seu proxecto de macrocelulosa.
En palabras dos nosos concellos, “o proxecto de Altri supón un impacto directo na Rede Natura 2000, ameaza flora e fauna endémicas, pon en risco o consumo de auga á poboación e industria da Barbanza e as verteduras de augas residuais ao río Ulla poderían poñer en risco o sector do mar da ría de Arousa”.
Informan que as persoas que desexen asistir á manifestación convocada para o vindeiro domingo 15 de decembro como mostra de rexeitamento ao proxecto, poden facelo anotándose no teléfono: 654 697 768.
