Este mércores 18 de decembro ás 10:00 horas o concello de Porto do Son vai acoller unha sesión informativa sobre o Programa Integrado de Emprego do Concello de Ribeira no Centro de Interpretación Castro de Baroña.
O Programa integrado de emprego promovido polo Concello de Ribeira e subvencionado pola consellería de Emprego Comercio e Emigración da Xunta de Galicia e o Servizo Público de Emprego Estatal ten como obxectivo a mellora da empregablidade e as posibilidades de inserción laboral das persoas participantes que figuran como demandantes de emprego, por medio de accións complementarias de orientación, formación e intermediación laboral.
O programa ten un compromiso de inserción laboral do 35% das persoas participantes. O ámbito de actividade será a comarca do Barbanza: os concellos de Ribeira, A Pobra, Boiro, Rianxo e Porto do Son.
Persoas destinatarias: 100 persoas desempregadas inscritas como demandantes de emprego no SPEG, pertencentes ao ámbito territorial indicado
Duración: 12 meses (de novembro 2024 a novembro 2025)
Lugar de realización: a Sede estará situada no Viveiro de Empresas do Concello de Ribeira (Lg. Fafián, 29 – 15960 Ribeira – A Coruña).
Máis información e inscricións no documento habilitado polo Concello de Ribeira.
