A Xunta recoñeceu o labor das bibliotecas escolares de 16 centros educativos de toda Galicia cos premios do X Concurso de Traballo por Proxectos. O certame, impulsado pola Consellería de Educación, busca estimular o deseño e desenvolvemento de traballos de carácter interdisciplinario ou de proxectos de investigación desde a biblioteca escolar.
A temática dos traballos era aberta, sempre e cando se desenvolveran contidos curriculares e se contribuíse a potenciar a adquisición de competencias claves por parte do alumnado.
A convocatoria contemplaba catro modalidades de participación. Na primeira delas, de proxectos que combinan diversas materias (ou Proxectos Documentais Integrados) coordinados desde a biblioteca escolar e que conten coa participación dun mínimo do 40% dos grupos-aula do centro, prémianse 10 centros, que reciben cada un 2.000€ para gastos relacionados co traballo presentado. Os galardoados nesta categoría son os que citamos deseguido:
Pola Coruña, o CEIP Emilia Pardo Bazán (A Coruña), o CEIP Plurilingüe de Louro (Muro), o IES Arcebispo Xelmírez I (Santiago) e o CEE Manuel López Navalón (Santiago).
Por Lugo, o IES Plurilingüe San Rosendo (Mondoñedo).
Por Pontevedra, o IES Illa de Ons (Bueu), o CEIP Plurilingüe da Torre-Cela (Bueu), o CEIP Plurilingüe de Meaño-As Covas (Meaño), o CEIP Plurilingüe As Veigas (Ponteareas) e o CEIP Plurilingüe de Leirado (Salvaterra de Miño).
Na segunda modalidade, de iniciativas de investigación dirixidos por profesorado dun grupo ou nivel, os premiados son os seguintes centros de Vigo: o CEIP Alfonso Rodríguez Castelao e o IES Valadares.
Na terceira categoría, de proxectos de investigación dirixidos por profesorado para grupos de diferentes cursos ou niveis, recoñécese o traballos destes centros: o CPI Domingo Fontán de Portas (Pontevedra) e o IES Valadares de Vigo.
Nestas dúas categorías os premios son de 1.500€ por centro.
Finalmente, con 3.000€ por galardón, na cuarta modalidade, de proxectos de investigación intercentros para desenvolver un proxecto común, os centros premiados son os seguintes: o CEIP de Galán de Arteixo e o CRA de Culleredo.
