Nova cita deportiva na Pobra do Caramiñal. O Campionato Galego de 3D Indoor transcorrerá no 22 de decembro, dende as 09.30 ata as 16.00 horas, no Polideportivo da Tomada.
Trátase dunha cita organizada polo Club Arqueiros do Barbanza coa colaboración doutras entidades, entre elas, a Concellaría dos Deportes, que consiste nun percorrido pechado, onde os/as arqueiros/as deberán atinar coas frechas nas dianas volumétricas distribuídas polo interior do recinto.
En palabras do concelleiro dos Deportes, Eloy Sobrido, “seguimos dando cabida ás distintas disciplinas presentes na nosa localidade de acordo ao noso compromiso co fomento da práctica deportiva e apoio á actividade dos nosos clubs. Nesta ocasión, temos unha modalidade de competición relativamente recente en Galicia.”
Consta de 24 propostas de tiro e, unha vez completado o circuíto, os/as oito primeiros/as clasificados/as disputarán as eliminatorias correspondentes. Aquí daranse cita medio cento dos/as mellores arqueiros/as de toda Galicia.
Haberá, ademais, entrega de trofeos.
