O BNG apoia as reivindicacións da Plataforma en Defensa da Sanidade Pública da Barbanza e esixe solucións inmediatas

16 Decembro 2024

O Bloque Nacionalista Galego respaldou este luns 16 de decembro a concentración convocada pola Plataforma en Defensa da Sanidade Pública da Barbanza para denunciar as graves deficiencias que afectan á atención sanitaria na comarca. No acto, que contou cunha ampla participación cidadá, os participantes criticaron “os longos tempos de espera para atencións médicas co persoal sanitario especialista do Hospital, así como a insuficiente dotación de persoal nos servizos hospitalarios”.

Durante a protesta díxose que especialidades como traumatoloxía, xinecoloxía, oftalmoloxía ou endocrinoloxía “acumulan demoras de máis dun ano para segundas revisións”, e manifestouse tamén que “a realización de probas diagnósticas como ecografías ou TAC experimentan atrasos de case un ano, situacións que poñen en risco a saúde dos pacientes e xeran unha fonda preocupación social”.

O BNG comprometeuse a levar estas reivindicacións ao Parlamento galego. Dende o BNG salientan que “a situación no Hospital do Barbanza é un reflexo do abandono que a Consellaría de Sanidade está tendo cos hospitais comarcais. A Xunta debe actuar con urxencia para garantir que a veciñanza teña acceso a unha sanidade pública de calidade sen esperas intolerables que comprometan o benestar das persoas”.

No BNG esixen á Consellaría de Sanidade “que dote os servizos sanitarios da Barbanza co persoal necesario para resolver estas carencias e que se poña fin á opacidade nas listas de agarda; non é tolerable que o PP pretenda ocultar a realidade da saturación dos servizos sanitarios. Demandamos transparencia e solucións inmediatas para garantir unha atención digna á cidadanía”, engaden.

O BNG reitera o seu compromiso coa “defensa dun sistema público de saúde que sexa accesíbel, universal e eficaz”, e anuncia que “continuará traballando tanto nas institucións como a carón da xente para que as necesidades da comarca do Barbanza sexan atendidas con responsabilidade por parte do Goberno galego”.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.