Fran Sieira impartirá un obradoiro de danza no Teatro Cine Elma da Pobra

03 Decembro 2024

A danza será a peza angular da programación cultural polo Nadal na Pobra do Caramiñal. Por iso, como antesala ao espectáculo que terá lugar na localidade, o recoñecido bailador Fran Sieira impartirá o obradoiro Danza galega, tradición e vangarda no Teatro Cine Elma no sábado, 7 de decembro, ás 11.30 horas. Ofértanse un total de 16 prazas de balde que se deberán reservar a través do formulario en liña habilitado.

Trátase dunha acción dirixida a persoas maiores de 12 anos con nocións previas de baile tradicional galego ou con inquedanza polas artes do movemento. Algúns dos aspectos a traballar nos 90 minutos de duración serán a descontextualización dos pasos do baile tradicional galego para utilizalos como principal mecanismo de expresión, trasladando ao movemento imaxes claras da peza Coreografías dun demente.

“Queremos redimensiona-la programación cultural por estas datas potenciando distintas disciplinas artísticas. Desta vez, apostamos pola danza. Xa é habitual ter nas táboas o baile tradicional grazas aos festivais do Nadal organizados polo noso tecido asociativo e, dende a Administración local, queremos incorporar tamén unha mestura de folclore e vangarda a cargo dunha compañía de renome como é a de Fran Sieira. Ademais, nos vindeiros días anunciaremos novidades”, segundo avanzou a concelleira da Cultura, Patricia Lojo.

Para asistir unicamente é necesario levar roupa cómoda e calcetíns.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.