O Concello de Rianxo informou do comezo dos traballos para renovar o firme nun treito de aproximadamente 1 quilómetro da estrada que dá acceso aos núcleos de Cerqueiras, Vilar e Campelo, dándolle continuidade á actuación executada a finais do ano pasado. A actuación, que conta cun orzamento total de 56.965,55€, consistirá sobre todo na limpeza e posterior pavimentado do treito cunha capa de mestura bituminosa en quente, así como o repintado das marcas viarias.
Tal e como destacou o Alcalde, Julián Bustelo, “a actuación permitirá renovar o firme do tramo da víal que se atopa en peor estado” e recordou que esta pista non só é empregada polos veciños dos núcleos citados senón que tamén “dá acceso a un dos nosos principais recursos turísticos, como é o miradoiro da Muralla”.
