Houbo dous turismos implicados.
O 112 Galicia foi coñecedor do suceso cando estaban a piques de ser as 15:00 horas. Nese momento, un particular empregou o número único de emerxencias para informar dunha colisión por alcance entre dous vehículos. Ademais, o alertador indicou que parecía haber unha persoa ferida nun dos dous coches.
Decontado, desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Vilagarcía de Arousa, á Garda Civil de Tráfico e á Agrupación de Voluntarios de protección Civil de Vilanova de Arousa.
Os servizos de emerxencias que se desprazaron ata o punto, no quilómetro 19 da PO-531, indicaron que finalmente había un total de 4 feridos, todos de carácter leve, os cales foron trasladados ata o Hospital do Salnés.
