Despois do calendario do 2023 e das barallas de cartas tematizadas que estiveron expostas no Museo Reina Sofía de Madrid, a artista palmeirá Antía Alberte Maneiro volta cunha nova edición do calendario de La Chica de la Pisa, o cómic reivindicativo no que ela mesma é a protagonista e que se sitúa de fonte contra os atrancos e estigmas que teñen que superar as mulleres na súa vida cotiá.
A nova edición presentarase este sábado 21 de decembro ás 13.00 horas no Faiado Tenda-Galería de Ribeira. La Chica de la Pisa é unha figura na que afondou cando estudaba ilustración e se foi transformando ao longo dos anos. Con ela, a autora recrea viñetas da vida cotiá abordando temas como o feminismo, a importancia do galego, a política e a dor a través da retranca.
