O Concello de Boiro, no marco da programación local de actividades de lecer e culturais de Nadal, habilitou estes días unha Zona Gaming con xogos online e presenciais e con actividades pensadas para a mocidade a partir dos 8 anos. A área gamer está instalada no local Leñaverde do Centro Social de Boiro os días 23, 26, 27 e 28 de decembro e os días 2, 3 e 4 de xaneiro en horario de 11.00 a 13.30 horas e de 16.00 a 19.00 horas.
A Zona Gaming contará cun simulador de Fórmula 1, unha actividade para comprobar a destreza ao volante; lentes de Realidade Virtual para mergullar á rapazada noutras realidades como viaxar ao oeste ou montar nunha montaña rusa.
Contará tamén con dúas máquinas arcade que contan con máis de 3.000 xogos; unha zona de dardos para probar as habilidades de puntería; e outras propostas lúdicas pensadas para a mocidade.
