Este luns 30 de decembro ás 13:45 horas na sede da Asociación Boirense de Empresarios (ABE) terá lugar o sorteo da campaña Doa Un Sorriso que levou a cabo durante un mes enteiro a clínica dental Rebeca Ozores, e na que se habilitaron puntos de recollida de alimentos e produtos de primeira necesidade como por exemplo material escolar nos comercios de Boiro.
O sorteo realizarase entre todas as rifas que cubriron as persoas que depositaron os alimentos nos puntos habilitados, e os premios son 2 bonos abe de 50€, 2 vales para a clínica dental Rebeca Ozores e 1 noite para 2 persoas nas cabanas Os Balcóns ría de Arousa. Publicarase na web da ABE, www.abe.gal, e nas redes sociais o nome das persoas gañadoras e indicarase a cantidade de alimentos e produtos recollidos durante o tempo que durou a campaña.
