A xira da campaña Galicia sabe aMar, impulsada pola Consellería de Mar para promover os produtos do noso sector pesqueiro e marisqueiro, estará o vindeiro 22 de decembro en Porto do Son, na fachada marítima da vila, coincidindo coa celebración da carreira Sin-Son 10K. A foodtruck de Galicia sabe aMar instalarase no porto entre as 11.00 e as 15.00 horas, e dende alí achegaranse información e degustacións dos nosos produtos pesqueiros.
Así, quen o desexe pode achegarse a degustar algún dos petiscos preparados a base de produtos do mar e da terra.
A xira inclúe unha foodtruck dende onde a Consellería do Mar enxalza os produtos das rías galegas e pon o foco nos beneficios dos nosos peixes e mariscos para acadar unha dieta saudábel e equilibrada.
A campaña tamén é un xeito apoiar á xente do mar, incentivando o consumo do peixe e marisco.
Galicia sabe aMar é é unha campaña da Xunta de Galicia que nace no verán de 2021 para animar á cidadanía a través da retranca galega e os dobres sentidos a consumir produtos do mar, impulsar a súa venda e poñer en valor o labor dos profesionais da pesca e do marisqueo.
En cada parada da xira os visitantes poden degustar algún dos moitos petiscos pensados para a campaña e realizados a base de produtos certificados do mar e da terra.
