A Asociación de Empresarios da Pobra do Caramiñal volve recompensar as compras locais durante estas festas de Nadal ao tempo que impulsa e dinamiza o tecido comercial. O gran protagonista da Campaña de Nadal da patronal da Pobra será o gran sorteo presencial que vai ter lugar na sede da patronal o vindeiro 5 de xaneiro ás 13.00 horas, na sede da entidade.
Este ano a asociación mobilizou premios por un valor de máis de 2.000 euros, ao que se suma o sorteo dun dos mellores dispositivos tecnolóxicos de cantos se poden adquirir hoxe no mercado: un iPhone 16, valorado en arredor de 1.000 euros. Para aspirar a estes premios as persoas interesadas deberán facer compras por máis de 10 euros nos establecementos locais, e recibirán unha tarxeta rasca que logo deberán trocar por rifas o 5 de xaneiro a partir das 12.00.
