A Asociación de Empresarios de Portosín (AEP) puxo en marcha este mes de decembro a súa Campaña de Nadal 2024-2025, coa finalidade, novamente, de fortalecer a actividade comercial na vila durante estas datas festivas ao tempo que se premia e recompensa a fidelidade de veciños e visitantes co sector local. Na campaña, que se presenta baixo o lema Mercando no teu pobo gañamos todos, cada cliente que faga unha compra nos establecementos asociados da AEP entrará nun gran sorteo de 500 euros.
Ata o 6 de xaneiro poderemos participar na campaña e, ademais, o día 7 de xaneiro está previsto que se celebre o sorteo do premio de 500 € na Casa da Cultura de Portosín, a partir das 16.30 horas: unha cita aberta a toda aquela persoa que queira asistir.
