Todas elas foron trasladadas en ambulancia ao centro hospitalario de referencia por Urxencias Sanitarias de Galicia-061.
Pouco antes das 20 horas do domingo, o condutor dun guindastre contactou co 112 Galicia desde a AP-9, á altura de Cruces. Estaba recollendo un vehículo avariado no quilómetro 87 cando outro coche colidiu contra eles, deixando catro persoas feridas.
Tres dos implicados puideron saír polos seus propios medios; con todo, unha das ocupantes do turismo era incapaz de facelo. Os efectivos do GES de Padrón trataron de retirala polo maleteiro, pero finalmente tiveron que excarcerala.
As persoas foron evacuadas ao hospital, mentres que no operativo tamén participaron a Garda Civil de Tráfico e os servizos de mantemento da autoestrada.
