Redemar presenta o proxecto de investigación Ecosistémica24 que será executado polo CIMA en colaboración coa Federación Galega de Confrarías

22 Novembro 2024

A sede da Federación Galega de Confrarías de Pescadores acolleu o acto de presentación do proxecto de investigación Ecosistémica24 que será levado a cabo polo Centro de Investigacións Mariñas (CIMA), dependente da Consellería do Mar, coa colaboración da federación autonómica. Á cita acudiu a directora xeral de Desenvolvemento Pesqueiro, Marta Villaverde que destacou que esta nova acción será financiada por Redemar, a rede entre o sector pesqueiro e organismos científicos galegos creada pola Xunta no 2022.

No acto, o equipo investigador expuxo aos biólogos de zona da Consellería do Mar e ao persoal técnico e representantes das confrarías de pescadores as principais liñas de actuación do proxecto relacionadas co sector do marisqueo. Así, o proxecto contempla sete liñas de actuación, cada unha das liñas foi presentada polo persoal investigador que lidera as mesmas, que abarcan a bioloxía pesqueira -para avaliar aspectos como as abundancias, a dinámica de poboacións e ecoloxía das especies do marisqueo-, as patoloxías mediante o seguimento do estado de saúde da poboacións e a bioloxía reprodutiva, estudando os ciclos reprodutores, tamaño de primeira maduración e estimación da fecundidade. 

Tamén trata as fontes de información coa finalidade de harmonizar e manter as bases de datos, o estudo das especies acompañantes co obxectivo de facilitar o seu seguimento así como da biodiversidade en substratos duros e as características da costa. Por último aborda a transferencia de metodoloxías e ferramentas ao persoal técnico das confrarías e da administración. 

A directora xeral subliñou que desde a Consellería do Mar continúase afondando na aposta pola investigación mariña para a recuperación e conservación do marisqueo mediante actuacións no ámbito de Redemar e os proxectos de investigación do CIMA reforzando o seu investimento nos Orzamentos do 2025 ata os 2,75M€, o que supón case un 6% máis que no 2024.

Outros artigos

O servizo de Gardacostas de Galicia retira do mar 371 nasas ilegais

O servizo de Gardacostas de Galicia, dependente da Consellería do Mar, retirou 371 nasas fondeadas de xeito irregular na última semana de controis e inspeccións desenvolvidos por terra e mar na costa galega. Ademais destas artes para crustáceos e cefalópodos, o...

+

A Deputación e a AECC crean unha Rede de Concellos Contra o Cancro

O presidente da Deputación da Coruña, Valentín González Formoso, e o presidente da Xunta Provincial da Asociación Española Contra o Cancro, Javier Álvarez Barbeito, asinaron un convenio de colaboración para impulsar a Rede de Concellos Contra o Cancro da provincia da...

+

Publicidade

Revista en papel

Opinión

“La protesta de los estudiantes franceses”. José Castro López

“La protesta de los estudiantes franceses”. José Castro López

Francia convive cada cierto tiempo con pequeñas revoluciones o estallidos sociales que,aunque comparten escenarios, responden a causas diferentes. Recuerden la revoluciónde Mayo 68 de la que Daniel Cohn-Bendit, uno de sus líderes, dice que entonces losjóvenes eran...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.