O programa de conciliación celébrase dende hai anos como unha programación estable adquirindo grande demanda e satisfacción cidadá. Nesta ocasión, éde interese da área dos Servizos Sociais Comunitarios impulsar o programa de conciliación durante as vacacións do Nadal 2024, coincidindo coas datas das vacacións escolares, de luns a venres –excepto festivos- de 08:30 a 14:30 horas e destinados a nenos e nenas de 3 anos (escolarizados) a 10 anos co obxectivo de que os máis novos pasen unhas vacacións de ocio e divertimento, aprendendo contidos de todo tipo e en ámbitos relacionados coa cultura, igualdade, o medio ambiente ou as novas tecnoloxías…
Co fin de poder abrir un período de preinscrición para esta actividade, proponse a publicación dunha normativa de admisión así como do prezo público de matrícula que deberán aboar os participantes –a través da modalidade de autoliquidación- unha vez confirmada a súa reserva de praza correspondente, no período que se estableza e achegando a documentación requirida.
E polo tanto establécense os seguintes prezos e modalidades de matrícula pola asistencia a dita actividade:
PROGRAMA DIAS SEN COLE-SERVIZO DE CONCIALIACIÓN NADAL 2024: Prezo de matrícula: 40 €
Interesados en contribuír na diminución do esforzo que pode representar para familias en situación de vulnerabilidade ou circusntancias especiais, e co fin de facilitar a participación dos nenos e nenas nesta actividade, proponse a aplicación dun desconto do 20% sobre o importe de matrícula aos fillos/as das familias que reúnan algunha das seguintes condicións ou circunstancias, e asío acrediten previamente mediante a aportación dos documentos pertinentes (non seráacumulativo no caso de darse máis dunha circunstancia):
- Familias que teñan o TÍTULO DE FAMILIA NUMEROSA.
- Familias acolledoras ou monoparentais que o acrediten documentalmente co certificado oficial.
- Familias con dous ou máis inscritos/as nesta actividade: o desconto aplicaríase na matrícula do segundo fillo/a e sucesivos.
- Familias nas que, ao menos, un dos seus membros sexa DESEMPREGADO/A DE LONGA DURACIÓN (que teñan acreditado un período de inscrición ininterrompido como desempregados/as na oficina de emprego de 180 días se fosen menores de 25 anos ou de 45 ou máis anos de idade, e de 365 días se fosen maiores de 25 e menores de 45 anos de idade, debendo presentar vida laboral e/ou certificado de períodos de inscrición na Oficina de Emprego).
- Familias nas que o propio participante acredite unha DISCAPACIDADE DE AO MENOS O 33% (acreditando tal condición co certificado de discapacidade).
Na mesma liña proponse a reserva do 10% das prazas (bonificación 100% taxas) para emerxencia social, estando estes participantes exentos do pago da matrícula correspondente. Estes participantes deberán derivarse dende a área dos Servizos Sociais Comunitarios do Concello de Ribeira a través dun informe ou relación detallada elaborada polos profesionais do departamento.
PRAZOS E FORMAS DE PAGO:
As persoas que aparezan como admitidas na listaxe deberán realizar o pagamento do importe correspondente (con ou sen bonificación) mediante autoliquidación do 16 ao 19 de decembro.
Aqueles participantes admitidos que non realicen o pago neses prazos non poderán asistir á actividade e serán dados de baixa en beneficio da listaxe de agarda. *INSTRUCCIÓNS DE REALIZACIÓN DE PAGO: Entrar na web municipal www.ribeira.gal, no apartado SEDE ELECTRÓNICA-TRÁMITES DESCATADOS – AUTOLIQUIDACIÓNS, e cubrir os datos que se requiren para o “TRIBUTO: PREZO PÚBLICO ACTIVIDADES CULTURAIS” seleccionando
no apartado datos de cálculo: Tipo de actividade: opción do campamento correspondente – meses inscritos – bonificación: si ou non”. O pago poderáfacerse directamente a través da opción PAGAR ONLINE ou IMPRIMIR RECIBO e realizalo na sucursal bancaria ou no seu caixeiro. Importante: antes de realizar o pago deberase verificar que o importe que se amosa na pantalla corresponde co da modalidade de campamento escollida.
Unha vez realizado o pagamento deberase entregar a xustificante do mesmo no DEPARTAMENTO DE SERVIZOS SOCIAIS COMUNITARIOS antes do día 20 de decembro; será requisito indispensable para o acceso e participación na actividade.
