O Executivo de Julian Bustelo aprobou esta semana o primeiro Plan Estratéxico de Subvencións do Concello de Rianxo. Segundo fixo saber o equipo de Goberno, o Plan, que afecta ao período 2024-2026, supón a mobilización de 90.000€ anuais para axudar e facilitar iniciativas, actividades e programas impulsados polos diferentes colectivos e entidades locais. As principais novidades do Plan son o incremento da partida orzamentaria relativa ás axudas que percibirán as entidades deportivas municipais a través dunha liña de subvencións por concorrencia competitiva, así como a previsión dunha partida anual para apoiar a actividade de dinamización desenvolvida polas asociacións de empresarios e comerciantes.
