O Concello de Boiro participa nunha nova edición da Campaña da Neve da Deputación da Coruña, unha actividade destinada a rapaces e rapazas da provincia de entre 11 e 15 anos. A Boiro correspóndenlle 10 prazas entre os días 7 e 10 de febreiro de 2025.
As persoas participantes gozarán de catro días na estación invernal de Valgrande-Pajares con aloxamento e manutención nun albergue a pe de pista con cursos de esquí e actividades complementarias. O prezo da actividade será de 85 euros como cota de participación, que se aboarán unha vez confirmada a asistencia.
O prazo de presentación de solicitudes será dende o 8 de novembro e o 2 de decembro presentando o modelo de inscrición dispoñible na web municipal mediante o Rexistro Xeral do Concello de Boiro. A participación resolverase mediante concurso público e as persoas seleccionadas deberán formalizar a inscrición efectuando o pago e aportando a documentación complementaria necesaria.
Máis información sobre a Campaña da Neve 2025 no Departamento de Deportes do Concello de Boiro ou na sección de Deportes da Deputación da Coruña.
