O Concello de Boiro convoca un proceso selectivo para a contratación do equipo docente e directivo do Obradoiro de Emprego Medioambiental Torre Goiáns IV – Boiro. O obradoiro terá unha duración de 9 meses nos que se van formar a 20 alumnos e alumnas nas especialidades de Instalación de elementos de carpintería e Repoboacións Forestais e Tratamentos Silvícolas.
O Concello explicou que ao abeiro desta iniciativa realizaranse procesos selectivos para a contratación de 1 mestre par a especialidade de repoboacións forestais e tratamentos silvícolas; 1 mestre para a especialidade de instalación de elementos de carpintería; e 1 técnico medio forestal. As actuacións que se van desenvolver no marco deste programa formativo son tarefas de conservación e valorización do Camiño A Orixe; cerramentos no Pazo de Goiáns; mellora e sinalización e pasarelas do Camiño A Orixe” consolidación de frondosas en diversos puntos; ou mellora das faixas secundarias de incendios.
As persoas aspirantes deberán cumprir unha serie de requisitos comúns como son os de ter a nacionalidade española ou outra que permita o acceso ao emprego público; non padecer enfermidade ou defeco físico ou psíquico que impida o desempeño das funcións; non ter sido desapedido mediante expediente disciplinario de ningunha administración pública; non incorrer en causa de incompatibilidade.
Ademais destes requisitos, no caso dos mestres deberán contar co nivel de recoñecemento en lingua galega CELGA 4, permiso de conducir B e estar en posesión de título de grao universitario ou equivalente e Certificado Profesional de habilitación para a docencia. O técnico/a forestal deberá contar co nivel de recoñecemento en lingua galega CELGA 4, titulación de ciclo formativo de grao medio en aproveitamento e conservación do medio natural e permiso de conducir B.
As persoas que desexen participar na presente convocatoria deberán presenta as súas instancias nun prazo de 10 día hábiles, contados a partir do día seguinte á publicación do anuncio da convocatoria no BOP. As bases dos procesos e toda a información está dispoñible na web municipal.
