A comunidade do terceiro curso da Educación Secundaria Obrigatoria do Colexio Galaxia de Ribeira, comandada polo profesor Fernando Yáñez, docente de Educación Plástica e Arte no dito centro educativo, presentou unha relevante campaña informativa e de sensibilización social con motivo deste 25N, Día Internacional para a Eliminación da Violencia contra as Mulleres.
Trátase, máis en detalle, dun proxecto audiovisual feito e guionizado polo alumando de 3º ESO polo 25N, destinado a concienciar á sociedade da necesidade de seguir traballando na igualdade e no respecto, así como na loita contra as agresións machistas. O proxecto chámase Querida Nai, e pódese ver en Youtube.
O proxecto, segundo nos explica o profesor Fernando Yáñez, consiste nunha versión da famosa campaña norueguesa contra o machismo Querido Papá que se fixo viral en 2015.
