A Fundación Museo de Artes do Gravado á Estampa Dixital vai inaugurar o vindeiro 22 de novembro a mostra Homenaxe a Ribeira. Gyotaku gravado, a partir das 20.30 horas na sala 0 do Museo do Gravado. Contarase coa presenza do director do Museo, Pastor Rodríguez, e do presidente da fundación e alcalde de Ribeira, Luís Perez Barral. Esta exposición está formada por trinta e oito obras dos participantes dos tres cursos de gravado realizados entre decembro de 2023 e xullo de 2024 onde se impartiu a técnica do gravado gyotaku. Contarase tamén coas imaxes do fotógrafo Luís Polo que ilustran o proceso da recollida do peixe na lonxa de Ribeira.
Os profesores que impartiron as actividades formativas dos cursos, todos eles da Universidade de Salamanca, foron José Fuentes Esteve, Antonio Navarro e Isabel Carralero. Para dar forma á mostra, todos os peixes utilizados na realización das obras proceden da Lonxa de Santa Uxía.
O gravado gyotaku, para quen non o o saiba, o gyotaku é un método tradicional artístico xaponés. Esta técnica consiste na impresión natural dun obxecto, na súa orixe peixes (gyotaku é unha palabra composta na que “gyo” significa “peixe” e “taku” significa “fregar”). Esta técnica data de mediados de 1800. Trátase dunha forma de impresión natural que foi empregada usada por pescadores que querían ter un rexistro das súas mellores capturas, pero tamén converteuse nunha forma de arte.
