Dentro do ciclo “Coñece o teu Parque Nacional”, o Parque Nacional das Illas Atlánticas organiza este venres en Ribeira unha xornada de divulgación á cidadanía.
O Parque Nacional Marítimo-Terrestre das Illas Atlánticas de Galicia (PNMTIAG) anuncia unha nova xornada na que se poderá coñecer, polo miúdo, que aconteceu na traxedia do vapor-correo Santa Isabel.
Na ría de Arousa atópase o arquipélago de Sálvora, que forma parte do PNMTIAG. Este arquipélago tamén está formado por illas máis pequenas como Noro, Vionta ou Sagres e por multitude de pequenos illotes menores e baixos que dificultan a navegación. Un deses baixos, Pedra da Pegar, é tristemente famoso por ser o lugar onde embarrancou o Santa Isabel.
Nesta charla, da man do Cronista Oficial de Ribeira, Xosé María Fernández Pazos, afondaremos no relato dos feitos, as emocións e as vidas dos que estiveron involucrados na catástrofe.
A charla, será este venres. 15 de novembro. ás 19:30 na Sala Polivalente do Auditorio (novo). Ribeira. A Coruña.
