Segundo a información proporcionada polos corpos de seguridade a través das súas rede sociais, na mañá deste sábado, a Policía Local de Ribeira e a Policía Nacional realizaron unha intervención conxunta que resultou na detención de dúas persoas tras acceder de xeito ilegal ao inmoble recentemente desaloxado por orde xudicial. A acción tivo lugar na Rúa Xosé Ramón Barreiro Fernández, onde os detidos intentaron ocupar un edificio que fora previamente desaloxado, A intervención tivo lugar grazas á activación dunha alarma antiocupación para evitar precisamente este tipo de feitos.
Os ocupantes accediron ao inmoble despois de romper a malla metálica que protexía unha das fiestras da parte posterior do edificio. Unha vez no interior, foron localizados pechados nun dos pisos, co claro intento de permanecer no lugar de forma ilegal. Foi neste momento cando se procedeu á súa detención e posterior posto a disposición da autoridade xudicial.
A Policía Local e Nacional apelaron á colaboración cidadá para poder actuar de forma máis eficaz ante posibles intentos de ocupación en futuras ocasións. Solicitouse a veciñanza que informe rapidamente ante calquera intento de ocupación ilegal para poder atallar este problema, que se considera unha das principais preocupacións na comunidade actualmente. Teléfono Policia Local: 981 8711 78
