Esta fin de semana continúan as funcións da I Mostra de Teatro de Porto do Son, organizada pola Área de Cultura do Concello. E proseguen con Criaturas, espectáculo do Grupo Municipal de Teatro de Ribeira, dirixido por Óscar Romero. Trátase dunha obra recomendada para persoas maiores de 12 anos. Será este 16 de novembro (sábado) na Casa da Cultura de Porto do Son a partir das 21.00 horas. A entrada é gratuíta con acceso libre até completar o aforo.
O espectáculo Criaturas está baseado no texto da compañía catalá T de Teatre, de xénero cómico; e na montaxe participan unha trintena de artistas.
