Castelao, recoñecido como primeiro presidente de Galicia

16 Novembro 2024

O Parlamento de Galicia recoñeceu este venres 15 ao escritor, debuxante e político rianxeiro Alfonso Daniel Rodríguez Castelao como primeiro presidente de Galicia.

O 15 de novembro de 1944 constituíuse en Montevideo o denominado “Consello de Galiza”, integrado polos catro deputados galegos electos nas derradeiras eleccións republicanas que, por residir na Sudamérica, desfrutaban de liberdade de acción: Alfonso Daniel R. Castelao, Elpidio Villaverde, Antón Alonso Ríos e Ramón Suárez Picallo. Castelao ocupou a presidencia deste organismo, representante fideicomisario da vontade de autogoberno do pobo galego expresada nas urnas o 28 de xuño de 1936 coa aprobación do Estatuto de Autonomía. É por isto que cabe recoñecer a Castelao como o primeiro presidente de Galicia, segundo reflectiu o Concello de Rianxo con motivo deste xusto e merecido recoñecemento póstumo.

Este acto simbólico celebrouse tras un acordo entre os tres grupos da Cámara atendendo a unha solicitude impulsada polo Partido Galeguista para honrar ao considerado como o pai do nacionalismo galego. Na sesión conmemorativa do 80 aniversario da Constitución do Consello de Galiza, o presidente do Lexislativo, Miguel Santalices Vieira, recordou que “nesa data tomou forma a institucionalización do autonomismo galego, un primeiro paso modesto na forma e na representatividade”.

O presidente do Parlamento cualificou ao político de Rianxo como un “referente incuestionábel” para todos os demócratas galegos, con independencia da súa encadre ideolóxico.

A sesión conmemorativa contou coas intervencións da presidenta do Consello da Cultura Galega, Rosario Álvarez e do catedrático de Historia Contemporánea da USC, Ramón Villares.

Esta homenaxe engádese ás que virán o próximo ano despois de que a Xunta anunciase que propoñerá a todos os grupos representados na Cámara a adopción dun acordo para declarar en 2025 o Ano Castelao coincidindo co 75 aniversario do falecemento do artista rianxeiro.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.