Proseguen as funcións do Outono Teatral de Outes, organizado pola Área de Cultura Municipal que dirixe Anxo Núñez. A axenda continúa este sábado 30 de novembro con Redondo, de Caramuxo Teatro. Haberá dous pases: un ás 18:00 e outro ás 19:00 horas. As entradas están á venda na páxina web Bandoticket.com e na Casa da Cultura de Outes. Redondo é un espectáculo para a primeira infancia que xoga coas formas. Preséntanos a un personaxe singular: mister. Round, a quen lle fascinan todos aqueles obxectos redondos, os máis curiosos obxectos con forma de circunferencia. Un día, na súa incesante procura atopará unha asombrosa esfera que agocha historias sorprendentes.
En definitiva, Redondo é unha proposta visual, case sen palabras, para gozar en familia.
Duración: 30 minutos aproximadamente.
