A comunidade de usuarias e usuarios da Asociación Ambar das Persoas con Diversidade Funcional, entidade inclusiva da comarca do Barbanza e con sede principal en Ribeira, levou a cabo o pasado sábado 16 de novembro unha actividade de Land Art.
Segundo explican dende Ambar, o concepto Land Art engloba unha disciplina artística que estivo en auxe durante os anos 60 e 70 a cal consistía
en realizar pezas de arte, a maior parte delas efímeras e moitas delas en pleno contacto coa natureza, ao aire libre e en plena comuñón coa terra (en todo sentido do termo), de aí ao seu nome.
A través dela pretendíase volver a un arte primitivo e poñer en valor os recursos naturais.
A actividade realizouse en Couso, Aguiño, iniciando arredor das 11:30h. As persoas participantes fixeron un pequeno percorrido pola contorna de Couso, onde recolleron materiais naturais que atoparon pola natureza para realizar unha pegada artística efímera na contorna.
Con esta actividade, Ambar pretende impulsar o seu compromiso co medio ambiente e a concienciación cos espazos naturais.
