A revista “Foro Galicia e Valle-Inclán” presentouse ao público da Pobra

22 Novembro 2024

O Foro Galicia e Valle-Inclán levou á Pobra do Caramiñal a segunda das actividades dentro do programa de actos para esta semana de novembro. Na tarde do xoves 21, o auditorio da Biblioteca Municipal Victoriano García Martí foi escenario da presentación da revista de estudos sobre Valle-Inclán, Ano I, nº 1, con traballos de investigación de Herminio Valdecañas, Víctor Viana e Xaquín del Valle-Inclán; unha edición bilingüe, en galego e castelán, con Rocío Viéitez Ferro como encargada da tradución.

Este número contou co patrocinio do Concello da Pobra do Caramiñal, representado na cita literaria polo alcalde, José Carlos Vidal, e pola concelleira da Cultura, Patricia Lojo, acompañando ao presidente do dito foro, Xaquín del Valle-Inclán Alsina, e ao secretario da entidade e director do Museo Valle-Inclán pobrense, Antonio González.

Segundo explicaron, trátase dun proxecto literario de divulgación con rigorosidade académica que apoia a Administración local para seguir divulgando sobre a biografía e obra do autor. Neste senso, o Concello converteu recentemente o anterior auditorio, anexo á Torre de Bermúdez, en sala de exposición e centro de investigación. A maiores, reformulouse a coñecida como sala de Iconografía Contemporánea. Tanto o rexedor como a edil referíronse ao neto e investigador como protector da institución museística pobrense pola cesión de bens e continua colaboración. Quixeron agradecer tamén a elección da Pobra como localidade para a estrea desta publicación e trasladaron o respaldo a sucesivas iniciativas que sigan poñendo en valor o ronsel valleinclaniano.

O público asistente recibiu como agasallo cadanseu exemplar da revista de maneira gratuíta, se ben a partir de agora estará á venda.

Xa no martes 19 celebrouse unha homenaxe cívica á memoria de Josefina Blanco Tejerina e Joaquín del Valle-Blanco, muller e fillo do literato, no cemiterio de Santa Mariña de Dozo, en Cambados.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.