Axentes da Policía Nacional adscritos á Comisaría de Ribeira, no marco dun dispositivo establecido para a prevención do tráfico e consumo de estupefacientes na vía pública, procederon á detención dun home e unha muller como presuntos autores dun delito contra a saúde pública, na súa modalidade de tráfico de drogas.
Os axentes, cando se atopaban realizando labores de prevención nas inmediacións dun punto de venda de estupefacientes, observaron a ambas as persoas, a bordo dunha motocicleta, quen, ao decatarse da presenza policial tentaron dar a volta. Posteriormente foron interceptados, atopándolles diversos envoltorios plásticos que contiñan no seu interior un total de 30 gramos aproximadamente de cocaína, máis de 500 euros en efectivo en moeda de diverso valor, así como útiles destinados á preparación das doses.
Os detidos foron postos ao dispor xudicial.
