O domingo 1 de decembro o ximnasio do CEIP de Outes vai acoller o novo espectáculo da compañía Marta Alonso Tejada: Dance Join, un espectáculo interactivo que combina danza, humor, clown e música e en escenarios non convencionais, propoñendo unha visión lúdica e autocrítica do mundo escénico, mentres convida ao público a participar no caos controlado que presenta. Será no CEIP de Outes ás 19.00 horas. O acceso é libre e gratuíto ata completar aforo. O equipo artístico está formado por Marta Alonso, Pablo Reboleiro, Xián Martínez, Rut Balbís e Marian Bañobre.
