Dende a Asociación Ambar das Persoas con Diversidade Funcional veñen de anunciar que están de aniversario, dez anos cumpre o seu Calendario Solidario e para celebralo o vindeiro mércores 4 de decembro levarán a cabo unha gala. O encontro levarase a cabo no Auditorio Municipal de Ribeira, sendo a apertura de portas ás 11:30h da mañá e comezando o acto ás 12h. Na celebración da asociación barbanzá descubriranse por primeira vez as 12 cartelas realizadas polo fotógrafo Pichero.
Asemade, no evento proxectaranse varios vídeos, entre eles un recompilatorio de momentos vividos durante as dez edicións pasadas e algunha outra sorpresa máis.
As persoas interesadas en reservar o seu Calendario Solidario 2025 poden facelo dende a web da Asociación Ambar.
