Un dispositivo especial integrado por voluntariado, o Club Ciclista Barbanza, Protección Civil e Policía velará pola seguridade no Día da Bici en Boiro

01 Outubro 2024


O Concello de Boiro celebra este domingo 6 de outubro o Día da Bici que, segundo confirmaron dende o Consistorio, “contará cun dispositivo especial para garantir a seguridade durante o desenvolvemento da actividade”. O dispositivo foi debullado neste 1 de outubro durante a Xunta de Seguridade convocada para coordinar o desenvolvemento da proba, na que participaron o concelleiro de Deportes, Marcos Fajardo, a Policía Local, Protección Civil de Boiro e o Club Ciclista Barbanza.

O percorrido da proba é duns 14 quilómetros e terá saída ás 11.00 horas da praza de Galicia pola rúa principal e a avenida de Compostela ata a Agramuíña (Escarabote), onde se vai realizar o primeiro dos agrupamentos. Continuará por Barraña para tomar dirección Cabo de Cruz pola avenida de Barraña e o esteiro do Coroño.

En Cabo de Cruz farase un segundo reagrupamento e volverá a Boiro por Sestelo, o Seán, Exipto e a DP-1106 para chegar a Boiro e volver á praza de Galicia pola rúa peonil.

Para garantir a seguridade durante o desenvolvemento da proba o Concello de Boiro contará coa colaboración de persoal voluntario, o Club Ciclista Barbanza e tamén con Protección Civil e a Policía Local de Boiro. Durante o percorrido produciranse cortes puntuais de circulación para o paso do pelotón, que so ocupará un carril da vía para permitir a continuidade do tráfico rodado.

A actividade está destinada a maiores de 6 anos polo que non se permite o uso de bicicletas con rodiñas de apoio e o seu obxectivo é “fomentar a convivencia e a diversión arredor deste vehículo popular entre nenos e adultos que, ademais de promover a actividade física contribúe e un transporte sostíbel”.

A actividade está promovida por La Voz de Galicia, conta co patrocinio da conserveira local JEALSA e coa colaboración do Club Ciclista Barbanza, Daniel Ríos, Chicolino e Autos R. Outeiral.

As inscricións para participar están abertas e poden facerse ata o venres día 4 de outubro ás 12.00 horas no Departamento de Deportes do Concello de Boiro, situado na Casa da Cultura, ou no correo electrónico deportes@boiro.org.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.