O Concello de Outes informou do inminente inicio das obras para a pavimentación do interior do lugar de Outes, traballos correspondentes á primeira fase do proxecto. Nas actuacións contémplase a canalización das pluviais así como o formigonado da sección sinalada na imaxe e cun rematado de lastras nas beiras. O investimento ascende 45.620,00 financiado a través do POS+ 2022.
Este ano o Concello de Outes investirá 583.683 euros en obras en diferentes puntos do municipio, con cargo ao POS da Deputación. Por exemplo os traballos de pavimentación en vías dos núcleos de Moledo, Cambeiro, Braño, Cando, Lantarou e Catasueiro, ademais da mellora do núcleo de Sendón, en Valadares.
