O pasado mes de abril a patronal boirense (ABE) presentaba as novidades do seu sistema de fidelización entre as que destacaba a posta en marcha dun boletín de novas ao que poden subscribirse os clientes para estar ao tanto das promocións e actividades que organiza a asociación. Entre as vantaxes de permaneceren subscritos figuran o acceso exclusivo a sorteos e promocións como o sorteo bimensual de 50€ en bonos ABE entre todos os subscritores activos do seu boletín de novas. O gañador dos meses de xullo e agosto é Ramón Calvo que ademais é un dos 3826 usuarios do sistema de fidelización da ABE.
Calendario dos próximos sorteos
Meses de setembro e outubro, sorteo 1ª semana de novembro.
Meses de novembro e decembro, sorteo 1ª semana de xaneiro.
Para participar nos sorteo os clientes so teñen que subscribirse ao boletín de novas da ABE a través da propia web da entidade indicado unicamente o seu correo electrónico.
