A Biblioteca Municipal de Boiro (Casa da Cultura) vai dar acollida este venres 11 de outubro ao espectáculo familiar O Tesouro do Pirata Frank, do selo Patas de Peixe. Será a partir das 20.00 horas. Trátase dunha función para nenas e nenos de 3 a 9 anos.
O Tesouro do Pirata Frank é unha peza baseada no libro do mesmo nome de Mal Peet e Elspeth Graham, editado por Patas de Peixe. Cóntanos a historia dun neno que cruza o mar, chega a unha illa, escala montañas, nada nun pantano, sube unhas escadas e chega a unha palmeira, todo para atopar o famoso tesouro de Pirata Frank. Pero cando chega leva unha enorme sorpresa, pois a Pirata Sally Frank non ten gana ningunha de deixarlle poñer as mans no seu cofre….
