O vindeiro venres 25 de outubro o edificio da Confraría de Porto do Son vai dar acollida a unha xornada de divulgación do GALP Costa Sosíbel, adicada á análise dalgúns complementos alternativos para o sector pesqueiro e a súa posíbel implantación no territorio sonense. A cita dará comezo ás 19.00 horas. Contarase coa presenza de Sauro Martínez (patrón maior de Sanxenxo, co relatorio A pesca turismo como complemento da actividade pesqueira), Manuela Oviedo (xerente do GALP Costa Sostíbel, coa charla Liñas de axuda para o sector pesqueiro no GALP Costa Sostible) e Juan José Rial Millán (patrón maior da Illa de Arousa, que falará de A recolección de algas como oportunidade alternativa para o sector). Haberá un pincho-coloquio á finalización do acto. As inscricións pódense facer a través do enderezo galp.mar.costasostible@xunta.gal ou de 638 033 467.
