O Mago Richard estará este venres 4 de outubro en Boiro, na Biblioteca Municipal da Casa da Cultura, para achegar un espectáculo infantil e familiar: Todo está nos libros. A cita será a partir das 20.00 horas. A función, encadrada no programa de dinamización lectora das bibliotecas galegas Ler Conta Moito, está adicada a fomentar a paixón polos libros e as narracións orais a partir do personaxe do Mago, que irá guiando aos asistentes ao mundo máxico da lectura mediante historias tematizadas, impulsando a creatividade, os valores e o interese polos libros. Mesmo tamén ao libro electrónico. Promoverase a participación activa do público. A peza, recomendada para nenas e nenos de máis de 8 anos, terá case unha hora de duración.
