O Goberno local de Outes informa de que abrirá o prazo de inscricións o vindeiro martes, 29 de outubro, para aquelas persoas que queiran participar na formación en Carpintaría de Ribeira a través do proxecto conxunto do Concello e a asociación Terra de Outes: o proxecto Reconstrución dun barco Sancosmeiro e recuperación da carpintería de ribeira. Esta iniciativa vai destinada a protexer e divulgar o patrimonio material e inmaterial da carpintaría de ribeira e achegar os coñecementos este oficio ancestral e histórico, a día de hoxe en risco de desaparecer por falta de remuda xeracional, á cidadanía en xeral. As inscricións realizaranse no rexistro do concello ou a través da sede electrónica municipal. Achéganse cinco prazas. A formación estenderase ao longo de dous anos e as persoas participantes participarán na construción dunha embarcación Sancosmeira.
