Este venres 18 de outubro celebrarase no Auditorio de Rianxo a presentación do libro La higuera yerma de María de Xacobe. Será a partir das 20.00 horas e contarase coa presenza da autora.
La higuera yerma é unha novela costumista e intimista que se ofrece ás lectoras e lectores en dúas entregas e que transcorre moi preto de Rianxo, en Pontecesures, durante os albores do século XlX. Está protagonizada por unha muller da época que constitúe, malia o contexto dominado polo poder dos homes, un exemplo de apoderamento feminino. Trata temas como a guerra da Independencia española, as convencións sociais da época e o papel feminino, sempre suxeito á potestade masculina.
María de Xacobe, nada na Estrada, é veciña de Cesures. Publicou oito novelas e ten colaborado en diversas antoloxías, na súa maioría benéficas.
